ENG
აქტივობის სახე: მემორანდუმი საქართველოს უზენაეს სასამართლოსთან
თარიღი და დრო: 20/03/2012 - 12:00 / სამშაბათი
დეტალები:

საქართველოს უზენაესი სასამართლოს თავმჯდომარე კონსტანტინე კუბლაშვილი, გრიგოლ რობაქიძის უნივერსიტეტს 20 მარტს ესტუმრა. შეთანხმებისამებრ, საქართველოს უზენაეს სასამართლოსა და გრიგოლ რობაქიძის უნივერსიტეტს შორის ურთიერთთანამშრომლობის მემორანდუმი გაფორმდა.

 

მემორანდუმი ითვალიწინებს კვალიფიციური იურიდიული განათლების განვითარების ხელშეწყობასა და ერთობლივი პროგრამების დაგეგმვა/განხორციელებას, რაც მიმართულია სამართლებრივი კვლევებისა და საგანმანათლებლო საქმიანობის სტრატეგიული პროცესის განვითარების ხელშეწყობისაკენ.

 

ურთიერთთანამშრომლობის მემორანდუმს ხელი უნივერსიტეტის იმიტირებულ სასამართლო დარბაზში მოეწერა, რის შემდეგაც უნივერსიტეტის რექტორმა მამუკა თავხელიძემ, აკადემიური კომიტეტის გადაწყვეტილებით, კონსტანტინე კუბლაშვილს საპატიო დოქტორის დამადასტურებელი სიგელი და მანტია გადასცა.

 

ვიზიტის ფარგლებში, უზენაესი სასამართლოს თავმჯდომარემ, გრიგოლ რობაქიძის უნივერსიტეტის სტუდენტებისთვის საჯარო ლექციაც წაიკითხა, რაც სტუდენტებთან ინტერაქტივით გაგრძელდა.

 

კონსტანტინე კუბლაშვილმა, უნივერსიტეტის კრიმინალისტიკის ლაბორატორიაც დაათვალიერა. ლაბორატორიის ხელმძღვანელმა გია დეკანოზიშვილმა სტუმარს სწავლების ახალი მეთოდები გააცნო, რითაც ბატონმა კონსტანტინემ კმაყოფილება გამოთქვა და ლაბორატორიის ტექნიკურ აღჭურვილობას და სწავლების სისტემებს მაღალი შეფასება მისცა.

 

საქართველოს უზენაესი სასამართლოს თავმჯდომარის ვიზიტი, უნივერსიტეტის რექტორის სამუშაო ოთახში აკადემიური პერსონალის წარმომადგენლებთან შეხვედრით დასრულდა. კონსტანტინე კუბლაშვილმა უნივერსიტეტის გამორჩეულ სტუმართა ჩანაწერების წიგნში სამახსოვროდ პირადი შთაბეჭდილებები და ავტოგრაფი დატოვა.

გაზიარება
დაბეჭდვა
 
 
 
 
© გრიგოლ რობაქიძის სახელობის უნივერსიტეტი   |   ვებ-საიტის შექმნის თარიღი: 2011.05.05   |   განახლებულია: 2016.09.23
თბილისი, ჯანო ბაგრატიონის 6, დავით აღმაშენებლის ხეივანი მე-13 ბათუმი, დავით აღმაშენებლის ქ. 13   |   ტელ:(+995 32) 2384406; (+995 32) 2382706   |   ფაქსი: (+995 32) 2384406   |   ელ-ფოსტა: info@gruni.edu.ge
11261902

Content on this page requires a newer version of Adobe Flash Player.

Get Adobe Flash player

Created By