2012 წლის 19 აპრილი

 

ახალი თარგმანების პრეზენტაცია

 

 

 

 

 

2012 წლის 19 აპრილს გრიგოლ რობაქიძის სახელობის უნივერსიტეტის საკონფერენციო დარბაზში გაიმართა 2011-2012 წლებში გამოცემული თარგმანების პრეზენტაცია: (1) ალექსის დე ტოკვილი, დემოკრატია ამერიკაში, თბილისი, 2011 წ. (ფრანგულიდან თარგმნა პროფ. დოდო ლაბუჩიძე-ხოფერიამ); (2) თომას პეინი, საღი აზრი, თბილისი, 2012 წ. (ინგლისურიდან თარგმნა ასისტ.-პროფ. გიორგი თავაძემ). ორივე თხზულება პოლიტიკურ და სოციალურ მეცნიერებათა დარგის კლასიკურ ნაშრომებადაა აღიარებული. თარგმანების გამოცემა განხორციელდა საქართველოში აშშ-ის საელჩოს წიგნების თარგმანის პროგრამის ფინანსური მხარდაჭერით. პრეზენტაციას ესწრებოდნენ საქართველოში აშშ-ის საელჩოს განათლების, კულტურისა და ინფორმაციის განყოფილების უფროსი მაიკლ ტერნერი, საქართველოში აშშ-ის საელჩოს საგანმანათლებლო და პროფესიული პროგრამების კოორდინატორი სოფო ბზიშვილი და საქართველოში აშშ-ის საელჩოს საგრანტო პროექტების მენეჯერი ანა ხარიბეგაშვილი.

 

პრეზენტაცია გახსნა და შესავალი სიტყვა წარმოთქვა გრიგოლ რობაქიძის სახელობის უნივერსიტეტის ფილოსოფიისა და სოციალურ მეცნიერებათა კვლევითი ინსტიტუტის დირექტორმა, პროფესორმა თენგიზ ირემაძემ. მოხსენებებით გამოვიდნენ: გრიგოლ რობაქიძის სახელობის უნივერსიტეტის პროფესორი დოდო ლაბუჩიძე, გრიგოლ რობაქიძის სახელობის უნივერსიტეტის ასისტენტ-პროფესორი გიორგი თავაძე და საქართველოში აშშ-ის საელჩოს განათლების, კულტურისა და ინფორმაციის განყოფილების უფროსი მაიკლ ტერნერი.

 

პრეზენტაციის დასასრულს გაიმართა პროფ. ჰელმუტ შნაიდერის (კასელი/თბილისი) მოხსენება თემაზე:  

 

„ტოკვილი და ჰეგელი კოლონიებისა და კოლონიზაციის შესახებ“

 

(მოხსენება გერმანულ ენაზე, ქართული თარგმანის თანხლებით)

 

 

 

 

გაზიარება
დაბეჭდვა
© გრიგოლ რობაქიძის სახელობის უნივერსიტეტი   |   ვებ-საიტის შექმნის თარიღი: 2011.05.05   |   განახლებულია: 2016.09.23
თბილისი, ჯანო ბაგრატიონის 6, დავით აღმაშენებლის ხეივანი მე-13 ბათუმი, დავით აღმაშენებლის ქ. 13   |   ტელ:(+995 32) 2384406; (+995 32) 2382706   |   ფაქსი: (+995 32) 2384406   |   ელ-ფოსტა: info@gruni.edu.ge
11029253

Content on this page requires a newer version of Adobe Flash Player.

Get Adobe Flash player

Created By