ENG
აქტივობის სახე: შეხვედრა საბურთალოს გამგებელთან
თარიღი და დრო: 02/04/2015 - 15:00 / ხუთშაბათი
დეტალები:

საბურთალოს რაიონის გამგებელი, ბექა მიქაუტაძე რაიონში მდებარე უმაღლესი და პროფესიული სასწავლებლების წარმომადგენლებს შეხვდა. შეხვედრა გამგეობაში გაიმართა და მას სხვადასხვა სასწავლებლების რექტორები, თვითმმართველობების პრეზიდენტები და საზოგადოებასთან ურთიერთობების სამსახურის ხელმძღვანელები ესწრებოდნენ, შეხვედრაზე გრიგოლ რობაქიძის სახელობის უნივერსიტეტს, წარმოადგენდა საზოგადოებასთან ურთიერთობის სამსახურის ხელმძღვანელი დავით სარიშვილი. შეხვედრის მიზანი გამგეობას, უმაღლეს და პროფესიულ სასწავლებლებს შორის შედეგზე ორიენტირებული კომუნიკაციის დამყარება იყო. საბურთალოს რაიონის გამგებლის თქმით, მნიშვნელოვანია, რომ მისი უწყების მიერ დაგეგმილ მრავალფეროვან ახალგაზრდულ პროექტებში მონაწილეობა ყველა სტუდენტისათვის ხელმისაწვდომი იყოს და ზოგადად, თანამშრომლობა ორმხრივი სარგებლის ფორმატში წარიმართოს.

 

სასწავლებლების წარმომადგენლების განცხადებით, მათი სტუდენტები მოტივირებულნი არიან სასწავლო პროგრამის მიღმა სხვა აქტივობებში მონაწილეობისათვის და საზოგადოებრივი თვალსაზრისით სასარგებლო საქმიანობისათვის; შესაბამისად, ოფიციალური სტრუქტურებიდან გამოხატული მხარდაჭერა თუ თანადგომა მათთვის მისასალმებელი ნაბიჯი იქნება.

საკონტაქტო პირი: დავით სარიშვილი; d.sarishvili@gruni.edu.ge
გაზიარება
დაბეჭდვა
 
 
 
 
© გრიგოლ რობაქიძის სახელობის უნივერსიტეტი   |   ვებ-საიტის შექმნის თარიღი: 2011.05.05   |   განახლებულია: 2016.09.23
თბილისი, ჯანო ბაგრატიონის 6, დავით აღმაშენებლის ხეივანი მე-13 ბათუმი, დავით აღმაშენებლის ქ. 13   |   ტელ:(+995 32) 2384406; (+995 32) 2382706   |   ფაქსი: (+995 32) 2384406   |   ელ-ფოსტა: info@gruni.edu.ge
14838137

Content on this page requires a newer version of Adobe Flash Player.

Get Adobe Flash player

Created By