ENG
აქტივობის სახე: ფსიქოლოგიური რეაბილიტაციის პროგრამა
თარიღი და დრო: 09/07/2015 - 14:28 / ხუთშაბათი
დეტალები:

გრიგოლ რობაქიძის სახელობის უნივერსიტეტის ინიციატივითა და ორგანიზებით, ასევე საბურთალოს რაიონის გამგეობის მხარდაჭერით, თბილისში 13 ივნისს მომხდარი სტიქიის შედეგად დაზარალებული ოჯახების შვილები ერთ კვირას შავი ზღვის სანაპიროზე, კურორტ გრიგოლეთში მდებარე სასტუმრო „ანდამატში“ გაატარებენ. პროექტის ბენეფიციარები რკინიგზის ცენტრალური სადგურიდან დღეს მშობლებმა და საბურთალოს რაიონის გამგეობის წარმომადგენლებმა გააცილეს.

 

სპეციალურად ამ პროექტისთვის, გრიგოლ რობაქიძის სახელობის უნივერსიტეტის ფსიქოლოგიის სკოლის პროფესორებმა შეიმუშავეს ფსიქო-თერაპიის პროგრამა „ემოციის მართვა“. აღნიშნული კურსი საქველმოქმედო აქციის ერთ-ერთი მთავარი მიზანია და ის სტიქიით დაზარალებული ახალგაზრდებისთვის ამ მძიმე დღეებში მიღებული სტრესის დაძლევას ისახავს მიზნად.

 

ახალგაზრდებისთვის, რომელთა ასაკი 13-დან 22 წლამდეა, სასტუმროში ყველანაირი პირობა იქნება შექმნილი კომფორტული დასვენებისათვის, მოეწყობა სპორტული შეჯიბრებები, ექსკურსია აჭარის ღირშესანიშნაობებისა და უნივერსიტეტის წარმომადგენლობის სანახავად, ასევე მოეწყობა სპორტული აქტივობები და გასართობი ღონისძიებები.

 

ერთკვირიანი კურსი 16 ივლისს დასრულდება. ახალგაზრდების ტრანსპორტირებას, სასტუმროში განთავსებას და სხვა ყველა ხარჯს გრიგოლ რობაქიძის სახელობის უნივერსიტეტი უზრუნველყოფს.

 

აღნიშნული პროექტი გრიგოლ რობაქიძის უნივერსიტეტისა და საბურთალოს რაიონის გამგეობის თანამშრომლობის ფარგლებში განხორციელდა.

საკონტაქტო პირი: დავით სარიშვილი; d.sarishvili@gruni.edu.ge
გაზიარება
დაბეჭდვა
 
 
 
 
© გრიგოლ რობაქიძის სახელობის უნივერსიტეტი   |   ვებ-საიტის შექმნის თარიღი: 2011.05.05   |   განახლებულია: 2016.09.23
თბილისი, ჯანო ბაგრატიონის 6, დავით აღმაშენებლის ხეივანი მე-13 ბათუმი, დავით აღმაშენებლის ქ. 13   |   ტელ:(+995 32) 2384406; (+995 32) 2382706   |   ფაქსი: (+995 32) 2384406   |   ელ-ფოსტა: info@gruni.edu.ge
14822288

Content on this page requires a newer version of Adobe Flash Player.

Get Adobe Flash player

Created By